琴日，突然间知道有一位同事亦都系之前嘅旧上司辞咗职，就快要走啦，觉得好突然！！心里头即时涌上嘅，就系好唔舍得嘅感觉。

        自从我出嚟做嘢咁耐，尼位亦师亦友嘅上司，可以讲系我最最尊重，最最喜欢嘅上司啦！虽然跟你做嘢时间唔系好耐，但系，你都有教我好多嘢。嗯，你亦都系我第一个，我会系你面前喊嘅上司啊~~~记得有一次，唔知点解，我突然间觉得工作压力好重好重，对于一向自我情绪调节唔系太好嘅我嚟讲，的确系一件好辛苦嘅事，所以我喱埋系洗手间喊。当喊完出嚟，可能畀你发现咗，所以叫咗我入会议室问我发生咩事！我记得当时嘅我，好努力咁忍住眼泪，虽然我好眼浅，但系我从来都唔中意系人哋面前喊！但系当我望住你关心我嘅眼神，我嘅眼泪又唔争气啦~~~第一次，我对住自己嘅上司喊，只系因为我自己唔识处理自己嘅情绪，所以喊！！其实伊家啉返起，真系觉得自己当时好好笑~~但系你冇笑我，你同我讲咗一句：做人做事，唔可以畀人哋知道自己啉乜嘢，唔可以禁轻易透露自己嘅情绪畀人知道，咁系好蠢嘅事。(*^__^*)……你话你唔系好识讲嘢，所以之后一路都冇安慰我啦，但系，我知道你系好关心我。你成日都话冇点帮过我，冇教过我，其实，系相处嘅日子里面，你已经教咗我好多嘢！做人做事嘅精神同态度啦，因为你适时嘅赞美同鼓励，令到心灵脆弱嘅我觉得世界系几禁美好？？！！

       系你身上学到嘅嘢，或者系工作上受用唔多，但系系我做人方面，我的确系受益良多。

       系Timemix度禁多，我觉得最开心同最值得回忆嘅，就系曾经有一位禁好嘅上司，一位系我任性发泄自己情绪时会安慰我，系我工作上出现困难时会积极为我解决问题，系我经历工作低潮时会为我分析问题，指引我正确方向嘅上司、朋友，亦都可以讲系我第二成长阶段嘅启蒙老师（第一阶段系Alex啊，顺便多谢埋你~~）

       离别秋波，纵使系有不舍，但系都为你感到高兴。因为你即将踏入你人生新里程嘅大舞台，系尼度，我祝你成功咁创下你人生中又一个辉煌成就，祝你·前程似锦！！